"დელ პიერო იყო იუვენტუსის ერთადერთი ფეხბურთელი, რომელიც ფრეს წაგებად აღიქვამდა", - კიელინი
ტურინის "იუვენტუსის" კაპიტანმა, ჯორჯო კიელინიმ გაიხსენა ლეგენდარულ ალესანდრო დელ პიეროსთან შემდგარი დიალოგი, რომელიც მისი კარიერის დასაწყისში მოხდა.
"თანაგუნდელი, რომელმაც ამიხსნა, რა იყო იუვენტუსი იყო დელ პიერო. როდესაც სერია ბ მოვიგეთ, მან მითხრა: "იხუმრე, მომავალ წელს გეტკინება". ჩვენ არ ვიყავით დიდი გუნდი და ის ძალიან განიცდიდა ამას.
კარიერაში ყველაფერი მოიგო, მაგრამ ყოველ ჯერზე, როცა მარცხდებოდა ან ფრედ ითამაშებდა, თავს ცუდად გრძნობდა. ერთხელ სან სიროზე მილანთან 0-0 ფრედ დასრულებული მატჩის შემდეგ, მთელი გუნდი გახარებული იყო, როცა გასახდელში დაბრუნდა.
ის მილანი ძალიან ძლიერი იყო და ჩვენ ახალი გუნდი ვიყავით. ალექსი კი ანერვიულდა და ყველაფრის წიხლებით დარტყმა დაიწყო. ყველამ რაღაცნაირად გაკვირვებულმა შევხედეთ, ბუფონის გარდა, რომელმაც გვითხრა:
"დაანებეთ თავი, მალე გონს მოვა". თუმცა ჯიჯის სიტყვებით უკმაყოფილო მივუახლოვდი ალექსს და ვკითხე რა იყო ამ საქციელის მიზეზი. მან არ მიპასუხა და ვფიქრობდი, რომ შეიძლება სისულელე იყო მისთვის ამ კითხვის დასმა.
შხაპის შემდეგ მან მთელ გუნდს დაურეკა და უთხრა: "შენი ბედნიერება მაბრაზებს. ფრეთი სიამოვნების უფლება არ გვაქვს. მოგების მენტალიტეტი უნდა გვქონდეს.
იუვენტუსისთვის ფრე დამარცხებაა. შეიტანეთ ეს თქვენს თავში". იმ დღეს მივხვდი, რას ნიშნავს იუვენტუსის მაისურის ტარება", - განაცხადა კიელინიმ დელ პიეროს შესახებ.
