კონტე: "ჩელსი ტოტენჰემზე ბევრად ძლიერია, ეს უბრალოდ ფაქტია"
"ტოტენჰემის" მთავარმა მწვრთნელმა, ანტონიო კონტემ ინგლისის ლიგის თასის ჩელსისთან მატჩის წინ თავისი აზრები გააზიარა. მატჩი გაიმაღთება 5 იანვარს, 23:45 საათზე.
"ჩელსიში ორი სეზონი გავატარე და კლუბის ფეხბურთელებთან და პერსონალთან კარგი ურთიერთობა დავამყარე. ჩვენ ძალიან კარგი სამუშაო ჩავატარეთ და ვფიქრობ, რომ იმ პოზიციაზე ვარ, სადაც დასამტკიცებელი არაფერი მაქვს.
გამოცდილი მწვრთნელი ვარ. ვაგრძელებ გამოცდილების შეძენას და სერიოზულ მუშაობას სხვა გუნდებში. კარგი იქნება სტემფორდ ბრიჯზე დაბრუნება, ამას მოუთმენლად ველი.
ამ დროისთვის ჩელსი ჩვენზე მეტად მზად არის გამარჯვებისთვის. გასულ სეზონში მათ ჩემპიონთა ლიგა მოიგეს. ჯერ კიდევ ბევრი გვაქვს დასახვეწი, გვინდა გავხდეთ გუნდი, რომელიც პრეტენზიას აცხადებს გამარჯვებაზე.
სიტყვა "გამარჯვების" გამოყენება ბევრად უფრო ადვილია, ვიდრე მოგება, რადგან იმისთვის, რომ გაიმარჯვო, რაღაც მნიშვნელოვანი უნდა ააშენო, თავი თავდაჯერებულად იგრძნო და ძლიერი შემადგენლობა შეკრიბო.
მაშინ მზად ხარ გამარჯვებისთვის. წინააღმდეგ შემთხვევაში, თქვენ მხოლოდ რაღაცის იმედზე რჩებით", - თქვა კონტემ, რომელმაც "ჩელსისთან" ერთად პრემიერ ლიგა მოიგო.
