ავტორიზაცია
ვინისიუსი: "ჩემი ოცნება რეალში თამაშია და აქ მრავალი წლის გატარება მსურს"
"რეალის" გარემარბმა, ვინისიუს ჟუნიორმა ლა ლიგის მე-20 ტურში "ვალენსიასთან" (4:1) მოგებული მატჩის შემდეგ განცხადება გააკეთა.
მოგეხსენებათ, 21 წლის ბრაზილიელმა შემტევმა "ღამურებთან" შეხვედრაში დუბლი გაიფორმა.
"კარგად ვითამაშეთ, ასე უნდა გავაგრძელოთ, რათა ამ სეზონში წარმატებას მივაღწიოთ", - ციტირებს ვინისიუსის სიტყვებს Marca.
"როცა კაზემირო, მოდრიჩი და კროოსი ისე თამაშობენ, როგორც ამ მატჩში, ვიმარჯვებთ".
"ჩემი ოცნება "რეალში" თამაშია და აქ მრავალი წელიწადის გატარება მსურს", - დასძინა სამხრეთამერიკელმა.
მიმდინარე სეზონში ვინისიუსმა ყველა ტურნირზე ერთად "სამეფო კლუბის" მაისურით 26 მატჩი ჩაატარა, 14 გოლი გაიტანა და 9 შედეგიანი პასი გააკეთა.
