ავტორიზაცია

"შოკირებული ვიყავი იუვენტუსში ჩაშლილი ტრანსფერით", - შიკმა კარიერის უსიამოვნო მომენტი გაიხსენა

"შოკირებული ვიყავი იუვენტუსში ჩაშლილი ტრანსფერით", - შიკმა კარიერის უსიამოვნო მომენტი გაიხსენა
თარიღი: 21 იან 2022, 21:36

2018 წლის ზაფხულში პატრიკ შიკი "სამპდორიადან" "იუვენტუსში" უნდა გადასულიყო, მაგრამ სამედიცინო შემოწმების დროს გამოვლენილი გულის პრობლემების გამო, "ბებერმა ქალბატონმა" ტრანსფერი დაბლოკა.

საბედნიეროდ, მკურნალობის გავლის შემდეგ, შიკმა განაგრძო საფეხბურთო კარიერა. The Independent-თან ბოლო ინტერვიუში ფეხბურთელმა ეს უსიამოვნო მომენტი გაიხსენა.

"ეს იყო შოკი. ცუდს ვერაფერს ვგრძნობდი, ჯანმრთელი მეგონა თავი. როცა მითხრეს, რომ გულის პრობლემა იყო, შიშმა შემიპყრო. ვღელავდი ჩემს ჯანმრთელობაზე და საკუთარ კარიერაზე.

მეშინოდა, რომ ამ პრობლემამ ჩემი პროგრესი დაასრულა და ფეხბურთს ვეღარ ვითამაშებდი", - განაცხადა შიკმა, რომელმაც "იუვენტუსში" ჩაშლილი ტრანსფერის შემდეგ, საკუთარი თავი ბუნდესლიგაში იპოვა.