დავისვენებთ ნუთუ?! - დემბელეს სატრანსფერო საგა შესაძლოა დღეს დასრულდეს
"ბარსელონას" გარემარბის, ოსმან დემბელეს ირგვლივ სიტუაცია შესაძლოა უახლოეს საათებში შეიცვალოს. Diario Sport-ის ცნობით, სიტუაცია ფეხბურთელზე და მის აგენტზე მუსა სისოკოზეა დამოკიდებული, რომელიც გუშინ ხავის შეხვდა.
მთავარ მწვრთნელთან ურთიერთობისას აგენტმა თქვა, რომ ახალგაზრდა ფრანგი ვინგერის ერთადერთი სურვილი "ბარსელონასთან" კონტრაქტის გახანგრძლივებაა.
ის ფაქტი, რომ სისოკო გაფრინდა "ბარსელონაში" ახალ კონტრაქტზე მოსალაპარაკებლად, შეიძლება ნიშნავს, რომ დემბელე არ იღებს ისეთ შემოთავაზებებს, რისი იმედიც ჰქონდა.
"ბარსა" არ აპირებს წინადადების შეთავაზების გაზრდას, რომელიც ფრანგმა უკვე დიდი ხანია მიიღო. მოლაპარაკებებისთვის გადამწყვეტი მომავალი საათები იქნება.
კლუბი სისოკოსგან სიახლეებს ელოდება. "ბარსას" სჭირდება დემბელესგან ან კონტრაქტის გახანგრძლივება ან მისი ზამთარში წასვლა. თუ გარემარბი არ განაახლებს ხელშეკრულებას და დარჩება, კლუბი ვერ შეძლებს ალვარო მორატას ("იუვენტუსი") და ნიკოლას ტალიაფიკოს ("აიაქსი") შეძენას.
მათი ხილვა ხავის თავის გუნდში სურს. მიმდინარე სეზონში 24 წლის გარემარბმა "ბარსას" მაისურით 11 მატჩი ჩაატარა, 1 გოლი გაიტანა და 2 საგოლე გადაცემა გააკეთა.
