ავტორიზაცია
იუვენტუსი დიბალას შემცვლელის ძებნას შეუდგა
"იუვენტუსი" ზაფხულის სატრანსფერო ფანჯრის გეგმას ამუშავებს, თავდამსხმელის პაულო დიბალას შესაძლო წასვლით. La Gazzetta dello Sport-ის ცნობით, ზაფხულში ტურინულ კლუბს ორი ვარიანტი აქვს.
"რომას" გარემარბი, ნიკოლო ზანიოლო და "სასუოლოს"თავდამსხმელი ჯაკომო რასპადორი, არგენტინელის წასვლის შემთხვევაში შესაძლოა გახდნენ "იუვეს" მოთამაშეები.
დეკემბერში "იუვენტუსმა" დაიწყო ურთიერთობა ზანიოლოს გარემოცვასთან. მისი კონტრაქტი "რომასთან" 2024 წლის ივნისამდეა ძალაში. შეგახსენებთ, რომ ტურინული კლუბი დიბალასთან კონტრაქტის გახანგრძლივებასთანაც ახლოს იყო.
სიტუაცია შეიცვალა და მოლაპარაკებები თებერვლამდე გადაიდო. გავრცელდა ინფორმაცია, რომ "იუვემ" უარი თქვა დიბალას ახალი კონტრაქტის შეთავაზებაზე და მისი ხელფასის შემცირება სურს.
