ავტორიზაცია
"შენგელია პატივისცემას ყოველთვის იმსახურებდა", - ცსკა-ს ყოფილი კალათბურთელი ქართველის შესახებ
როგორც მოგეხსენებათ, თორნიკე შენგელიამ მოსკოვის "ცსკა" დატოვა. ქართველმა კალათბურთელმა "არმიელებთან" მოქმედი ხელშეკრულება გაწყვიტა ცალმხრივად.
აღნიშნულ ფაქტს გამოეხმაურა "წითლების" კიდევ ერთი ყოფილი კალათბურთელი, მაიკ ჯეიმსი, რომელიც 2021 წლამდე 30-წლის მცირე ფორვარდის თანაგუნდელი იყო.
"ეს წინგადადგმული ნაბიჯია. ყოველთვის უნდა ემსახურო იმას, რისიც გჯერა და დაგიფასდება. შენგელია ყოველთვის იმსახურებდა დიდ პატივისცემას", - წერს ამერიკელი თავის ინსტაგრამზე.
აღსანიშნავია, რომ "მონაკო ბასკეტის" გამთამაშებელმა მცველმა თავად დატოვა "ცსკა" გასულ წელს, მას შემდეგ, რაც მას ურთიერთობა აერია კლუბის ხელმძღვანელობასა და თანაგუნდელებთან.
