ფიფა უფრო მკაცრი და კატეგორიული ხდება?! - რუსეთის ნაკრები შესაძლოა მუნდიალის პლეი-ოფიდან მოკვეთონ
Independent-ის თქმით, რუსეთს მსოფლიო ჩემპიონატიდან მოკვეთავენ, თუ სიტუაცია არ გამოსწორდება. რუსეთის ნაკრები მსოფლიო ჩემპიონატის შესარჩევი პლეი-ოფის ნახევარფინალში პოლონეთს 24 მარტს უნდა დაუპირისპირდეს.
29 მარტს შვედეთს ან ჩეხეთს დაუპირისპირდება, იმ შემთხვევაში, თუ პოლონეთის ბარიერს დაძლევს. ამ წლის ბოლოს ყატარში გასამართ მსოფლიო ჩემპიონატზე მოსახვედრად.
ფიფამ კვირას გამოაცხადა, რომ რუსეთის ნაკრებს მიეცემა უფლება გააგრძელოს თამაში რუსეთის საფეხბურთო კავშირის სახელით, საშინაო მატჩების თამაში ნეიტრალურ ტერიტორიაზე და დახურულ კარს მიღმა, რუსეთის დროშისა და ჰიმნის აკრძალვით.
ეს ზომები უარყო, როგორც "სრულიად მიუღებელი" პოლონეთის ასოციაციის პრეზიდენტმა, სეზარი კულესამ, რომელმაც დასძინა, რომ პოლონეთი არ ითამაშებს მსოფლიო ჩემპიონატის პლეი-ოფს რუსეთთან, "რაც არ უნდა იყოს გუნდის სახელი".
შვედეთმა და ჩეხეთმა მიბაძეს პოლონეთს. შვედეთის ასოციაციის ხელმძღვანელმა კარლ-ერიკ ნილსონმა განაცხადა, რომ ის უკმაყოფილოა ფიფას გადაწყვეტილებით.
მსოფლიო ჩემპიონატის კენჭისყრა 1 აპრილს დოჰაში გაიმართება, ტურნირი კი ნოემბერსა და დეკემბერში. საერთაშორისო ოლიმპიურმა კომიტეტმა ორშაბათს მოუწოდა სპორტის ორგანიზატორებს, აუკრძალონ რუს და ბელორუს სპორტსმენებს და ოფიციალურ პირებს საერთაშორისო ღონისძიებებში მონაწილეობა "გლობალური სპორტული შეჯიბრებების მთლიანობის დასაცავად და საყოველთაო უსაფრთხოებისთვის".
უეფამ, რომელმაც გასულ კვირას რუსეთის ქალაქ სანქტ-პეტერბურგს ჩამოართვა ჩემპიონთა ლიგის ფინალი და თამაში პარიზში გადაიტანა, ახლა უნდა გადაწყვიტოს, გამორიცხოს თუ არა რუსეთი ევროპის ქალთა ჩემპიონატიდან.
