ავტორიზაცია
არც რეალი და არც ბარსელონა - რომელი კლუბია ჰოლანდისთვის ბრძოლაში ფავორიტი ლაპორტას აზრით?
ევროპის ტოპ კლუბები ერლინგ ჰოლანდისთვის იბრძვიან. Mundo Deportivo წერს, რომ "ბარსელონას" პრეზიდენტის ხოან ლაპორტას თქმით, კატალონიური კლუბი 21 წლის ნორვეგიელისთვის ბრძოლაში "მანჩესტერ სიტის" ჩამორჩება.
ამასთან, აღნიშნავენ, რომ "ბარსელონას", ისევე როგორც "მანჩესტერ სიტის", ნებისმიერ ფასად სურს ჰოლანდის შეძენა. რომან აბრამოვიჩზე დაწესებული სანქციების გათვალისწინებით, "ჩელსი" ჰოლანდისთვის ბრძოლას გამოეთიშა.
ამ სეზონში 21 წლის ფეხბურთელმა დორტმუნდის "ბორუსიაში" 20 მატჩი ჩაატარა, 23 გოლი გაიტანა და 5 საგოლე გადაცემა გააკეთა. ტრავმის გამო მას 22 იანვრის შემდეგ არ უთამაშია.
ჰოლანდის სახელს აგრეთვე საკმაოდ აქტიურად უკავშირებენ მადრიდის "რეალსაც", თუმცა "სამეფო კლუბისთვის" პრიორიტეტულ ვარიანტად კილიან მბაპეს ტრანსფერი რჩება.
