"იმ შემთხვევაში, თუ რეალს დაეწყება დაღმასვლა, ბარსელონას ჩემპიონობის შანსი ექნება", - ლაპორტა
ბარსელონას პრეზიდენტი, ხოან ლაპორტა მიიჩნევს, რომ გუნდი ლა ლიგაში გამარჯვებისთვის მადრიდის "რეალს" კონკურენციას გაუწევს: "მადრიდის რეალს დაღმასვლა დაეწყება.
მთელი სეზონი 13-14 ფეხბურთელს იყენებდნენ. ჩვენ მეტი მოქნილობა გვქონდა. გარკვეული წარუმატებლობები გვქონდა, განსაკუთრებით სეზონის დასაწყისში, მაგრამ ახლა ბარსა კარგ ეტაპზეა.
ჩემპიონობისთვის ბრძოლის იმედით შევდივართ სეზონის ფინალურ ფაზაში. 12 ქულით ჩამოვრჩებით. რაიოსთან გამარჯვების შემთხვევაში მადრიდის რეალთან სხვაობა 9 ქულამდე შემცირდება.
ყველა დარჩენილი მატჩის მოგებაზე უნდა ვიფიქროთ. ეს ძალიან სერიოზული გამოწვევაა, მაგრამ ჩვენ გვიყვარს გამოწვევები. ასეთია ამ კლუბის მენტალიტეტი. მე ძალიან ვისიამოვნე მადრიდის რეალთან გამარჯვებით, ისევე როგორც ბარსელონას ყველა გულშემატკივარმა", - განაცხადა ლაპორტამ.
