ლივერპული და სალაჰი კონტრაქტის გახანგრძლივებასთან ახლოს არიან, დეტალებიც ცნობილია

"ლივერპულის" თავდამსხმელმა, მოჰამედ სალაჰმა უახლოეს პერიოდში შესაძლოა კლუბთან კონტრაქტი გაახანგრძლივოს.

როგორც ცნობილი ჟურნალისტი, დევიდ ორნშტეინი იტყობინება, სავარაუდოდ, მხარეებს შორის კომპრომისი მოიძებნება და ახალი ხელშეკრულება გაფორმდება.

გავრცელებული ინფორმაციით, მერსისაიდელები 29 წლის ეგვიპტელს 3-წლიან კონტრაქტსა და კვირაში 400 ათას ფუნტიან ხელფასს სთავაზობენ, თუმცა თავად 500 ათასი სურს.

მიუხედავად ამისა, აღინიშნება, რომ კლუბი და ფეხბურთელი შესაძლოა 400 ათასზე და 4-წლიან ხელშეკრულებაზე შეთანხმდნენ.

მიმდინარე სეზონში სალაჰმა ყველა ტურნირზე ერთად 39 მატჩი ჩაატარა, 28 გოლი გაიტანა და 11 შედეგიანი პასიც ჩაიწერა საკუთარ აქტივში.

"არის ბევრი რამ, რაც ხალხმა არ იცის", - სალაჰმა ლივერპულთან კონტრაქტზე ისაუბრა

ეგვიპტის სპორტის მინისტრი: "სალაჰს სხვა კლუბში გადასვლა ვურჩიე, მაგრამ ლივერპულში დარჩენა სურს"