"ვინც ჩვენი პროექტის ნაწილი არ არის, უნდა წავიდეს", - ალ-ხელაიფის კატეგორიული განცხადება
„პსჟ-ს“ პრეზიდენტმა თავისი გუნდის ფეხბურთელებს პრესიდან მიმართა.
„ჩვენი პოზიცია ძალიან მკაფიოა: ფეხბურთელები, რომლებიც ჩვენი პროექტის გეგმებში არ შედიან, გუნდი ამ ზაფხულსვე უნდა დატოვონ, სხვა გზა არ არის.
ზოგმა ფეხბურთელმა სიტუაციით ისარგებლა... თუმცა ამიერიდან, ყველაფერი ძალიან გასაგებად და მკაფიოდ არის.“ - აღნიშნა ალ-ხელაიფიმ.
პრესაში ჯერჯერობით არ ვრცელდება სახელები, თუ ვინ იგულისხმა ალ-ხელაიფიმ კონკრეტულად.
შეგახსენებთ, რომ აქამდე „პსჟ“ ოფიციალურად დატოვა ანხელ დი მარიამ, რომელსაც გუნდთან კონტრაქტი ამოეწურა და ჯერჯერობით თავისუფალი აგენტია.