სადიო მანემ ბაიერნიდან რობერტ ლევანდოვსკის შესაძლო წასვლაზე ისაუბრა
„ბაიერნის“ ახალწვეულმა, სადიო მანემ ისაუბრა იმაზე, რომ გუნდი უახლოეს პერიოდში შესაძლოა რობერტ ლევანდოვსკიმ დატოვოს, რომელზეც პრეტენზიას „ბარსელონა“ აცხადებს.
„რა თქმა უნდა, ლევანდოვსკი მსოფლიოს ერთ-ერთი საუკეთესო ფორვარდია. თუმცა, მე არ ვარ ის ადამიანი, ვისაც შეუძლია მის მომავალზე ილაპარაკოს, ან მას ამა თუ იმ სიტუაციაში რაიმე რჩევა მისცეს.“ - აღნიშნა სენეგალელმა ფორვარდმა.
გავრცელებული ინფორმაციით, „ბარსელონამ“ „ბაიერნს“ პოლონელის სანაცვლოდ 40+5 მილიონი ევრო შესთავაზა, თუმცა რეკორდმაისტერი მის გაყიდვას გაცილებით ძვირად აპირებს.