"არ გამოვრიცხავ", - თომას ტუხელს ლევანდოვსკის და რონალდუს შესაძლო ტრანსფერებზე ჰკითხეს
„ჩელსის" მთავარმა მწვრთნელმა, თომას ტუხელმა, გუნდში შემტევის მოსვლის ვარიანტი არ გამორიცხა.
ლონდონურ კლუბს რობერტ ლევანდოვსკის ან კრიშტიანუ რონალდუს შესაძლო ტრანსფერებზე ჰკითხეს.
„არ გამოვრიცხავ, რომ შესაძლოა კიდევ ერთი თავდამსხმელი დავიმატოთ, მაგრამ ახლა ეს მთავარი არ არის. ამჟამად პრიორიტეტი - დაცვაა, რაც საიდუმლო არცაა. როცა ამ ხაზს გავაძლიერებთ, შემდეგ შევაფასებთ, კიდევ რა შეგვიძლია.
ჩვენ ორ ტოპ-გუნდს ვებრძვით, მაგრამ „ტოტენჰემმაც" ძალიან აგრესიული, აქტიური და სწრაფი სატრანსფერო ფანჯარა ჩაატარა. შესაძლოა, მათ ისტორიაში ერთ-ერთი საუკეთესო შემადგენლობა და ერთ-ერთი უძლიერესი მწვრთნელი ჰყავთ.
„მან იუნაიტედს" ახალწვეულების მოყვანა არასდროს არ ერიდება და მათ ახალი მწვრთნელიც ჰყავთ. „არსენალსაც" ჰქონდა დიდი ტრანსფერები, ამიტომ ჩვენ კონკურენტუნარიანობის შესანარჩუნებლად დონე უნდა შევინარჩუნოთ." - აღნიშნა გერმანელმა.
