ავტორიზაცია
გასულ სეზონში, გულშემატკივრები სოც ქსელებში ყველაზე ხშირად კრიშტიანუ რონალდუს აყენებდნენ შეურაცხყოფას
გასულ სეზონში, „ტვიტერის“ მომხმარებლებისგან ყველაზე ხშირად შეურაცხყოფების მსხვერპლი კრიშტიანუ რონალდუ ხდებოდა.
ამის შესახებ ინფორმაციას სააგენტო Ofcom ავრცელებს ალან ტიურინგის ინსტიტუტის მეცნიერთა გამოკვლევაზე დაყრდნობით.
მეცნიერებმა 2021/22-სეზონის პირველი ხუთი თვის მანძილზე დაწერილი 2.3 მილიონი „ტვიტი“ შეისწავლეს.
აქედან თითქმის 60% შეურაცხმყოფელი იყო, საიდანაც 8% რასას ან სქესს უკავშირდებოდა.
რონალდუს მიმართ შეურაცხმყოფელი პოსტი 12.520-ჯერ გამოქვეყნდა, რაც ყველაზე დიდი მაჩვენებელია, ეს პორტუგალიელის ტვიტერში ხსენების საერთო რაოდენობის 2.2%-ს შეადგენს.
მეორე ადგილზე ჰარი მაგუაერია (8 954), მესამეზე მარკუს რაშფორდი (2557). საერთოდაც, ტოპ-ათში „მან იუნაიტედის“ 8 ფეხბურთელი მოხვდა.
