ავტორიზაცია
პერესი: "ბარსელონა ძველ დონეზე უნდა დაბრუნდეს, ეს მსოფლიო ფეხბურთს ძალიან წაადგება"
მადრდის „რეალის“ პრეზიდენტი ფლორენტინო პერესი იმედოვნებს, რომ „ბარსელონა“ მსოფლიო ფეხბურთში მოწინავე პოზიციებს დაიბრუნებს.
ეს მოსაზრება პერესმა „ბარსას“ ტრანსფერებზე საუბრისას დააფიქსირა, რომელიც გუნდმა ამ ზაფხულს განახორციელა.
„არის სეზონები, როცა რომელიღაც ჩვენგან უკეთესია, რომელიღაც კი უარესი. მაგრამ „ბარსა“ – „რეალთან“ ერთად მსოფლიოს ერთ-ერთი მოწინავე კლუბია.
„ბარსელონა“ ისევ ძველ დონეზე უნდა დაბრუნდეს. ეს მსოფლიო ფეხბურთს აუცილებლად წაადგება.“ - აღნიშნა პერესმა Movistar-თან ინტერვიუში.
შეგახსენებთ, რომ ამ ზაფხულს „ბარსამ“ ანდრეას კრისტენსენი, ფრანკ კესიე, რობერტ ლევანდოვსკი, ჟულ კუნდე და რაფინია დიასი უკვე დაიმატა და ბერნარდო სილვას ტრანსფერზეც მუშაობს.
