ავტორიზაცია
უნდა ველოდოთ თუ არა რეალისგან ტრანსფერებს აგვისტოს ბოლომდე? პერესის კომენტარი
მადრიდის „რეალი“ სატრანსფერო ფანჯრის დახურვის წინ ბაზარზე აქტიურობას აღარ აპირებს.
ამის შესახებ ღიად განაცხადა გუნდის პრეზიდენტმა ფლორენტინო პერესმა, მას შემდეგ, რაც „რეალმა“ სუპერთასზე „აინტრახტის“ ძლევით მორიგი ტიტული მოიგო.
„კარგი სეზონი ჩავატარეთ და ეს სუპერთასიც ძალიან გვამხნევებს. ბევრი უნდა იშრომო, რომ ფინალში გახვიდე და შემდეგ არანაკლები, რომ ის მოიგო. შესანიშნავი გუნდი გვყავს, ჩვენ კარგად გავისარჯეთ.
კარგად ვარჯიში უნდა გავაგრძელოთ, ანჩელოტი შემადგენლობას კარგად უძღვება. ამ ეტაპზე, ახალი ფეხბურთელების დამატების ვარიანტს არ განვიხილავთ.“ - აღნიშნა პერესმა.
ამ ზაფხულს „რეალის“ რიგები ანტონიო რუდიგერმა (უფასოდ) და ორელიან ჩუამენიმ (80 მლნ ევრო) შეავსეს.
