ავტორიზაცია
ადამა ტრაორე არველაძესთან ჰალ სიტიში ითამაშებს
მალის ნაკრების 27 წლის შემტევი ნახევარმცველი ადამა ტრაორე შოთა არველაძის "ჰალ სიტიში" ითამაშებს.
ინფორმაციას კლუბის ვებ-გვერდი ავრცელებს და წერს, რომ ფეხბურთელთან 2-წლიანი კონტრაქტი გაფორმდა.
აფრიკელი შემტევი ბოლოს თურქეთის სუპერ ლიგის "ჰატაისპორში" თამაშობდა და საბა ლობჟანიძის თანაგუნდელი გახლდათ.
აღსანიშნავია, რომ ტრაორე "ჰალ სიტის" თავისუფალი აგენტის სტატუსით შეუერთდა. ფეხბურთელი სხვადასხვა დროს: "ლილის", "მონაკოს", "რიუ ავეს", "სერკლ ბრიუგეს" და "მეცის" მაისურს ირგებდა.
