"კვარაცხელიაზე ბევრს მხოლოდ იმიტომ არ ლაპარაკობენ, რომ ქართველია",- იტალიელი კომენტატორი

Sky Sport-ის კომენტატორმა მაურიციო კომპანიონიმ გადაცემა Kiss Kiss-ის ეთერში ხვიჩა კვარაცხელიაზე ისაუბრა. 

"ლუჩანო სპალეტის ბევრი შესანიშნავი ფეხბურთელი ჰყავს. ვფიქრობ, რომ კვარაცხელია წარმოუდგენლად პერსპექტიული ფეხბურთელია. თუ მასზე საკმარისად არ იყო საუბარი, მხოლოდ იმიტომ, რომ ქართველია.

ბრაზილიელი ან არგენტინელი რომ ყოფილიყო, უკვე ქებისგან ცაში აიყვანდნენ. გამაგიჟებელი ტალანტია, სასაცილოდ დაბალ ფასად შეძენილი, იმასთან შედარებით, რაც ღირს“, - განაცხადა კომპანიონიმ.

შეგახსენებთ, რომ "ნაპოლი" მორიგ შეხვედრას 7 სექტემბერს, ჩემპიონთა ლიგის ჯგუფურ ეტაპზე "ლივერპულის" წინააღმდეგ ჩაატარებს, ხოლო 10 სექტემბერს სერია A-ს ეგიდით "სპეციას" დაუპირისპირდება.

"მე მას კვარადონას ვეძახი, გულწრფელად არ მეგონა, რომ ასეთი ძლიერი ფეხბურთელი იყო",- ბონიეკი კვარაცხელიაზე

"ჩემი აზრით, ის სტილით ძალიან ჰგავს რაფაელ ლეაოს",- კაპელო კვარაცხელიაზე