ავტორიზაცია
"ვიმედოვნებ ასე გააგრძელებს, რადგან საოცარ რაღაცეებს აკეთებს "- ალექს მერეტი კვარაცხელიაზე
იტალიური "ნაპოლის" მეკარემ ალექს მერეტმა კლუბის ოფიციალურ რადიოს Kiss Kiss Napoli-ს ინტერვიუ მისცა.
მას სხვა თემებთან ერთად, ხვიჩა კვარაცხელიას შესახებაც ჰკითხეს. მისი თქმით, ხვიჩას მნიშვნელოვანი თვისებები აქვს, გასაოცარი დრიბლინგი, თუმცა თამაშის გაუმჯობესების დიდი პოტენციალი აქვს.
"მას მნიშვნელოვანი თვისებები და საოცარი დარტყმა აქვს. ჩემი აზრით, მას თამაშის გაუმჯობესების დიდი პოტენციალი გააჩნია. როდესაც ბურთი აქვს, ძნელია მისი შეჩერება, არაჩვეულებრივი ფეხბურთელია.
მას შეუძლია დაცვაში უფრო მეტად დაგვეხმაროს, მაგრამ ვიმედოვნებ, ასე გააგრძელებს, რადგან საოცარ რაღაცეებს აკეთებს. ",- თქვა მერეტმა.
შეგახსენებთ, რომ ხვიჩამ მიმდინარე სეზონში ყველა ტურნირზე ერთად 8 შეხვედრაში 4 გოლით და ორი საგოლე გადაცემით გამოირჩა.
