პირს მორგანი მესიზე: "არგენტინელს მეორე ყვითელი, შემდეგ წითელი ბარათი უნდა მიეღო"

ცნობილმა ბრიტანელმა ჟურნალისტმა პიერს მორგანმა, რომელმაც კრიშტიანუ რონალდუსთან რეზონანსული ინტერვიუ ჩაწერა, თვლის რომ ლიონელ მესის მეორე ყვითელი ბარათი უნდა მიეღო და მოედნიდან გაეძევებინათ.

არგენტინელებმა 2022 წლის მსოფლიო ჩემპიონატის 1/4 ფინალში ნიდერლანდების ნაკრები დაამარცხეს (2:2, პენალტები - 4:3) და ნახევარფინალში ხორვატიის ნაკრებს შეხვდებიან.

"მესი მოედანზე არ უნდა ყოფილიყო. მესის მეორე ყვითელი, შემდეგ წითელი ბარათი უნდა მიეღო. “, - დაწერა მორგანმა ტვიტერზე.

შეგახსენებთ, რომ მსაჯმა ანტონიო მატეო ლაოსმა მესის ყვითელი ბარათი უჩვენა. მანამდე მან თავდამსხმელი შეგნებულად ხელით თამაშის გამო არ დასაჯა, თუმცა ბარათი მსგავს სიტუაციაში მცველ კრისტიან რომეროსაც უჩვენა.