ჩელსიმ შესაძლოა კულიბალი იტალიურ ტოპ კლუბს მიჰყიდოს

"არისტიკრატთა" ბანაკში აფრიკელის თამაშით აღფრთოვანებული არ არიან და მზად არიან უახლოეს მომავალში გაყიდონ.

პორტალი Goal.com-ის ცნობით, ტურინის "იუვენტუსი" მზადაა მცველის გასაფორმებლად. "ბებერი ქალბატონი" ფეხბურთელის ტრანსფერის შეთავაზებას გეგმავს.

შეგახსენებთ, რომ კალიდუ "ჩელსის" გასულ ზაფხულს შეუერთდა. 31 წლის სენეგალელი სტემფორდ ბრიჯზე "ნაპოლიდან" გადავიდა და ინგლისურ გუნდთან კონტრაქტი 2026 წლამდე გააფორმა.

მიმდინარე სეზონში კულიბალიმ პრემიერ ლიგაში ცხრა მატჩი ჩაატარა და ერთი გოლი გაიტანა.