მესიმ მსოფლიო ჩემპიონატის ტიტულით პსჟ-ს თამაშზე მისვლაზე უარი თქვა - გადაწყვეტილების მიზეზი ცნობილია

ამის შესახებ RMC Sport-ის ჟურნალისტმა არტურ პერომ სოციალური ქსელში განაცხადა.

მანამდე მედიაში გავრცელდა ინფორმაცია, რომ 35 წლის ფეხბურთელს "პსჟ"-ს საშინაო სტადიონზე თასით მისვლა სურდა, მაგრამ ხელმძღვანელობამ მას ფრანგი გულშემატკივრების უარყოფითი რეაქციის შიშით უარი უთხრა.

მესი არგენტინის ნაკრებთან ერთად ყატარში მსოფლიოს ჩემპიონი გახდა. ფინალურ მატჩში სამხრეთ ამერიკულმა ნაკრებმა საფრანგეთი დაამარცხა (3:3, პენალტები 4:2).

მესიმ ტურნირზე შვიდი გოლი გაიტანა, სამი საგოლე გადაცემა გააკეთა და ტურნირის საუკეთესო ფეხბურთელი გახდა.