ვინ შეცვლის ხავის? - მთავარი კანდიდატი ცნობილია

"ბარსელონას" პრეზიდენტი ჟოან ლაპორტა რეგულარულად უჭერს მხარს ხავის თავის განცხადებებში. თუმცა კატალონიურმა კლუბმა შესაძლოა მთავარი მწვრთნელის შეცვლა განიხილოს, თუ გუნდი ამ სეზონში ცუდ შედეგს დააფიქსირებს. ამის შესახებ Calciomercatoweb წერს.

წყაროს ცნობით, "ბარსელონა" ხავის მემკვიდრედ ცნობილ გერმანელ მწვრთნელ თომას ტუხელს განიხილავს. შემოდგომის დასაწყისში ეს სპეციალისტი "ჩელსიდან" გათავისუფლების შემდეგ სამსახურის გარეშე დარჩა.

ამ დროისთვის "ბარსელონა" ესპანეთის ჩემპიონატის სატურნირო ცხრილს მადრიდის "რეალთან" ერთად ლიდერობს. გუნდებს 38 ქულა აქვთ.