"ამან ზიდანს კარი დაუხურა და გადასახადების გადამხდელებს კომპენსაცია აკიდა", - ბენზემას ახლო მეგობარი დეშამის დარჩენაზე

კარიმ ბენზემას მეგობარი უკმაყოფილოა, რომ დიდიე დეშამი საფრანგეთის ნაკრებში 2026 წლამდე რჩება.

დღეს ფედერაციამ მწვრთნელთან ახალი კონტრაქტის გაფორმება ოფიციალურად დაადასტურა.

„4-წლიანი კონტრაქტი, არადა მან ამ თანამდებობაზე უკვე 10 წელი გაატარა. ეს ზინედინ ზიდანს უხურავს კარს და გადასახადების გადამხდელებზე კომპენსაციას კიდებს იმ შემთხვევაში, თუ ფედერაციის ახალი პრეზიდენტი მის გაშვებას მოინდომებს.“, - წერს კარიმ ჯაზირი, კარიმ ბენზემას ახლო მეგობარი და ყოფილი აგენტი.

ამ პოსტს ჯაზირიმ ჰეშთეგი დაურთო: „მერე ნუღა იწუწუნებთ.“