El Chiringuito: დიეგო სიმეონე ატლეტიკოს სეზონის ბოლოს დატოვებს

მადრიდის "ატლეტიკოს" მთავარი მწვრთნელი დიეგო სიმეონე კლუბს სეზონის ბოლოს დატოვებს, იტყობინება El Chiringuito.

წყაროს ცნობით, 52 წლის არგენტინელმა სპეციალისტმა თავისი გადაწყვეტილება უკვე აცნობა მადრიდული კლუბის გენერალურ დირექტორს, მიგელ ანხელ ჟილ მარინს.

სიმეონე მადრიდის "ატლეტიკოს" 2011 წლიდან ხელმძღვანელობს. სპეციალისტის ხელმძღვანელობით კლუბი გახდა ესპანეთის ჩემპიონი (2013/2014, 2020/2021) წლების სეზონებში, ესპანეთის თასის გამარჯვებული (2012/2013) და სუპერთასის (2014) მფლობელი, ასევე მოიგო უეფას ევროპა ლიგა (სეზონი 2011/2012, 2017/2018) და უეფას სუპერთასი (2012, 2018).

"ატლეტიკომ" მიმდინარე სეზონში 16 მატჩში 27 ქულა მოაგროვა და სატურნირო ცხრილში მეხუთეა.