მასიმო კარერა: "კვარაცხელია პრემიერ ლიგაში წარმატებული იქნება"

კარერა დარწმუნებულია, რომ ქართველ ფეხბურთელს ტოპ კლუბში, კერძოდ კი ინგლისის პრემიერ ლიგაში თამაში შეუძლია.

„ხვიჩა შესანიშნავ სეზონს ატარებს იტალიაში, ის შესანიშნავი ფეხბურთელია. პრემიერ ლიგის თამაში? ვფიქრობ, მას ყველაფერი აქვს იმისათვის, რომ იქ წარმატებას მიაღწიოს. ხვიჩას ნებისმიერ დიდ კლუბში თამაში შეუძლია. “, - განაცხადა კარერამ.

კვარაცხელია ნაპოლიში 2022 წლის ივლისიდან თამაშობს. ქართველმა მიმდინარე სეზონში სერია A-ში 15 მატჩი ჩაატარა, შვიდი გოლი გაიტანა და შვიდი საგოლე გადაცემა გააკეთა.