ჯერარდი მუდრიკზე: "თავისი თამაშის სტილით არიენ რობენი გამახსენა"

ინგლისის ნაკრების და "ლივერპულის" ყოფილმა ნახევარმცველმა სტივენ ჯერარდმა "ჩელსის" შემადგენლობაში მიხაილო მუდრიკის სადებიუტო თამაში შეაფასა.

22 წლის გარემარბი, რომელიც ლონდონურ გუნდში "შახტარიდან" გადავიდა, "ლივერპულთან" შეხვედრაში (0:0) სათადარიგო სკამიდან 55-ე წუთზე ჩაერთო და საკმაოდ აქტიურიც გახლდათ.

„მუდრიკი შთამბეჭდავად გამოიყურება, მისმა ზოგიერთმა მოქმედებამ დღეს აჩვენა მისი მაღალი კლასი. თავისი თამაშის სტილით მან არიენ რობენი გამახსენა - ისეთივე სწრაფი და შესანიშნავი ბურთით. ჩელსის გულშემატკივრების ადგილას ძალიან გამიხარდება ასეთი ფეხბურთელის მოსვლა. ", - თქვა ინგლისელმა.