საკი როსონერის აკრიტიკებს: "მილანი გუნდი აღარ არის"

იტალიური "მილანის" ყოფილმა მთავარმა მწვრთნელმა, არიგო საკიმ, იტალიის ჩემპიონატის 21-ე ტურის მატჩში, "როსონერის" "ინტერთან" (0:1) მარცხის შესახებ ისაუბრა.

სპეციალისტმა ბოლო შეხვედრაში "მილანის" თამაში გააკრიტიკა და ხაზგასმით აღნიშნა, რომ პიოლის გუნდი გუნდურად აღარ თამაშობს.

“მილანი აღარ არის გუნდი, განსაკუთრებით ეს პირველ ტაიმში გამოჩნდა. ინტერი მეტოქესთან კი არ თამაშობდა, არამედ სპარინგ-პარტნიორთან. მილანის ფეხბურთელები მეტოქეების უკან დარბოდნენ და ბურთთან ყოველთვის გვიან მიდიოდნენ.