აბუბაკარი: "რონალდუ დარჩენას მთხოვდა, მაგრამ მისი გადმოსვლის შემდეგ მწვრთნელს ვუთხარი, რომ წასვლა მინდა"

ვენსან აბუბაკარმა აღნიშნა, რომ კრიშტიანუ რონალდუ მას „ალ ნასრში“ დარჩენას სთხოვდა.

შეგახსენებთ, რომ კამერუნელმა ფორვარდმა არაბულ კლუბთან კონტრაქტი იმიტომ გაწყვიტა, რომ კლუბს რონალდუს დარეგისტრირება შესძლებოდა. ამის შემდეგ, აბუბაკარი „ბეშიქთაშში“ დაბრუნდა.

„კრიშტიანუს ტრანსფერის დახურვის შემდეგ, ჯერ კიდევ სანამ ის ჩამოვიდოდა, მწვრთნელს ვუთხარი, რომ წასვლა მინდა. რონალდუს მოსვლით ერთი უცხოელი ფეხბურთელი უნდა წასულიყო.

რონალდუ დარჩენას მთხოვდა და კლუბსაც სურდა, რომ მინიმუმ სეზონის ბოლომდე დავრჩენილიყავი, თუმცა მე წასვლა მინდოდა. „ალ ნასრი“ მზად იყო, სეზონის ბოლომდე ჩემთვის ხელფასი გადაეხადა.“, - აღნიშნა აბუბაკარმა ინტერვიუში.