ნეიმარმა დაზიანებული ფეხის ფოტო გამოაქვეყნა

31 წლის ბრაზილიელმა საფრანგეთის ჩემპიონატის 24-ე ტურში, "ლილთან" საშინაო მატჩის დროს (4:3) დაშავდა.

"ისევ და ისევ", - დაწერა ნეიმარმა.

ფრანგული მედიის ცნობით, ბრაზილიელს სრულად გამოჯანმრთელებისთვის დაახლოებით სამი კვირა დასჭირდება.

ამრიგად, თავდამსხმელი პარიზულ გუნდს ჩემპიონთა ლიგის 1/8 ფინალურ ეტეპზე მიუნჰენის "ბაიერნთან" განმეორებით მატჩში დიდი ალბათობით ვერ დაეხმარება. 

მიმდინარე სეზონში ნეიმარმა ლიგა 1-ში 20 მატჩი ჩაატარა, 13 გოლი გაიტანა და 11 საგოლე გადაცემა გააკეთა.