მესი, მბაპე თუ ბენზემა: ვინ მიიღებს The Best ჯილდოს?

როგორც ინსაიდერ ფრანჩესკ აგილარი სოციალურ ქსელში იტყობინება, პრესტიჟული პრიზის მფლობელი არგენტინის ნაკრების და "პსჟ"-ს თავდამსხმელი ლიონელ მესი იქნება.

ჯილდოსთვის დავაში 35 წლის სამხრეთამერიკელი თავის თანაგუნდელს კილიან მბაპეს და მადრიდის "რეალის" თავდამსხმელს კარიმ ბენზემას უპირისპირდება.

შეგახსენებთ, რომ "ბარსელონას" ფორვარდმა რობერტ ლევანდოვსკიმ ფიფას 2021 წლის საუკეთესო ფეხბურთელის ჯილდო მიიღო. კენჭისყრაში პოლონელი მოჰამედ სალაჰსა და მესის გაუსწრო.

მანამდე გავრცელდა ინფორმაცია, რომ მადრიდის "რეალის" ფეხბურთელები მესის გამო ფიფას ცერემონიას უგულებელყოფენ.