"კულეებო, შეგიძლიათ მშვიდად იყოთ", - ლაპორტა ბარსელონას დანაშაულს არ აღიარებს

ჟოან ლაპორტა ირწმუნება, რომ „ბარსელონას“ მიმართ ბოლო პერიოდში წამოყენებული ბრალდებები სრულიად უსაფუძვლოა.

ბარსელონას პროკურატურამ კლუბის წინააღმდეგ სასამართლოში სარჩელი შეიტანა და ბრალად კორუფციაში მონაწილეობას და მსაჯების მოსყიდვას სდებს.

„კულეებო, შეგიძლიათ მშვიდად იყოთ. „ბარსელონა“ არ არის დამნაშავე იმაში, რაშიც ადანაშაულებენ. მეტიც, კლუბი ზიანის მიყენების მიზნით, დისკრედიტაციის კამპანიის მსხვერპლი გახდა.

ამაში გასაკვირი არაფერია. თუმცა, ჩვენ „ბარსას“ დავიცავთ და დავამტკიცებთ, რომ კლუბი უდანაშაულოა. ბევრს მოუწევს საკუთარი შეცდომების გამოსწორება.“, - აღნიშნა კლუბის პრეზიდენტმა დღევანდელ საუბარში.