პსჟ-ს ნაპოლის ერთ-ერთი საუკეთესო ფეხბურთელის შეძენა სურს

"პსჟ"-ის მთავარი სატრანსფერო სამიზნე მომავალი ზაფხულისთვის გამოვლინდა. ჟურნალისტ ნიკოლო შირას თქმით, ფრანგულ გიგანტს "ნაპოლის" თავდამსხმელის ვიქტორ ოსიმენის შეძენა სურს.

პარიზული გიგანტის ხელმძღვანელობა მზადაა ნიგერიელ თავდამსხმელს გრძელვადიანი სამუშაო კონტრაქტი შესთავაზოს, რომელიც ხუთწლიანი იქნება. ხელფასი კი წელიწადში ათი მილიონი ევრო იქნება.

თავის მხრივ, "ნაპოლი" მზადაა გაყიდოს თავისი ლიდერი, თუ მის სანაცვლოდ 150 მილიონ ევროს შესთავაზებენ.

მიმდინარე სეზონში ოსიმენმა ნეაპოლური გუნდის შემადგენლობაში 29 მატჩი ჩაატარა, რომელშიც 25 გოლი გაიტანა და 5 საგოლე გადაცემა გააკეთა.