უარი ბარსელონას? - გიუნდოგანი შესაძლოა პრემიერ ლიგაში დარჩეს

მანჩესტერ "სიტის" გერმანელი ნახევარმცველი ილკაი გიუნდოგანი, რომელიც კატალონიურ "ბარსელონაში" გადასვლასთან ახლოსაა, შესაძლოა ინგლისის პრემიერ ლიგაში დარჩეს.

Bild-ის ინფორმაციით, ნახევარმცველის ტრანსფერით "არსენალია" დაინტერესებული. გიუნდოგანის დამატების ინიციატორი „მეთოფეების“ მთავარი მწვრთნელი მიკელ არტეტაა, რომელიც მასთან მუშაობდა ხოსეპ გვარდიოლას სამწვრთნელო შტაბში ყოფნის დროს.

ილკაი მანჩესტერ "სიტიში" 2016 წლის ზაფხულიდან თამაშობს. 32 წლის გერმანელს "ქალაქელებთან" შრომითი ხელშეკრულება ივნისის ბოლოს ეწურება.

გიუნდოგანმა მიმდინარე სეზონში პრემიერ ლიგაში 30 მატჩი ჩაატარა, რვა გოლი გაიტანა და ოთხი საგოლე გადაცემა გააკეთა.