მადრიდის რეალმა ბელინგემის ტრანსფერი ოფიციალურად დაადასტურა

ჯუდ ბელინგემი ოფიციალურად მადრიდის "რეალის" ფეხბურთელია.

"სამეფო კლუბის" ოფიციალური ვებ-გვერდის განცხადებით, ნახევარმცველმა კლუბთან 6 წლიანი კონტრაქტი გააფორმა.

რამდენიმე დღის წინ "ბორუსიამ" განაცხადა, რომ 19 წლის ფეხბურთელის სანაცვლოდ 103 მილიონ ევროს მიიღებდა. ასევე გათვალისწინებულია ბონუსები - გადახდილი თანხის 30%-მდე, ანუ მაქსიმუმ 30,9 მილიონი ევრო.

ბელინგემი დორტმუნდის "ბორუსიას" 2020 წლის ივლისში "ბირმინგემიდან" 25 მილიონ ევროდ შეუერთდა.

სამი სეზონის განმავლობაში ინგლისელმა "ბორუსისას" რიგებში 132 მატჩი ჩაატარა, 24 გოლი გაიტანა და 25 საგოლე გადაცემა გააკეთა.