როგორი სტატისტიკით დატოვა ჰანსი ფლიკმა გერმანიის ნაკრები?

მიუნხენის „ბაიერნში“ ძალიან წარმატებული ორი წლის შემდეგ, ჰანსი ფლიკმა 2021 წელს გერმანიის ნაკრები ჩაიბარა, რომელთან ერთადაც წარმატება ვერანაირად ვერ გაიზიარა.

ფლიკმა გერმანიის ნაკრები ევროპის ჩემპიონატის შემდეგ ჩაიბარა და გუნდს მხოლოდ 25 მატჩში გაუძღვა.

ამ 25 შეხვედრაში გერმანიის ნაკრებმა 12-ს მოგება მოახერხა, 7-ჯერ ფრე ითამაშა და 6-ჯერ დამარცხდა.

მეტოქეების კარის აღება გერმანელებმა ამ 25 მატჩში 60-ჯერ შეძლეს, საკუთარ კარში კი 30 გოლი მიიღეს.

ჰანსი ფლიკი ნაკრებს მოგებების 48%-იანი შედეგით ტოვებს.