ინტერმა ლაუტარო მარტინესის სატრანსფერო ღირებულება დაასახელა

არგენტინელი "ნერაძურისთან" ახალი კონტრაქტის თაობაზე მოლაპარაკებებს აწარმოებს, თუმცა პროცესი მარტივი არ არის. 

მარტინესი ხელფასის სახით 10 მილიონ ევროს ითხოვს, "ინტერი" კი მზადაა მოთამაშეს 8 მილიონი გადაუხადოს. 

ამასთან, La Gazzetta dello Sport-ი წერს, რომ მილანური კლუბი ხელშეუხებლად არავის მიიჩნევს. 

აღსანიშნავია, რომ "ინტერი" მზადაა მოლაპარაკება დაიწყოს, თუ შეთავაზება 100 მილიონი ევრო იქნება. საუბარია გარანტირებულ თანხაზე, ბონუსების გამოკლებით. 

2023/2024 წლების სეზონის 30 მატჩში ლაუტარო მარტინესმა 22 გოლი გაიტანა და ხუთი საგოლე გადაცემა გააკეთა.