მიუნხენის ბაიერნი ზიდანს დაუკავშირდა

არსებობს ინფორმაცია იმის შესახებ, რომ ტუხელი შესაძლოა უახლოეს მომავალში გაათავისუფლონ. 

Corriere dello Sport-ის ცნობით, თუ მწვრთნელის შეცვლაზე გადაწყვეტილება მიიღება, "ბაიერნის" ნომერ პირველი კანდიდატი ზინედინ ზიდანი იქნება. 

წყაროს ცნობით, მიუნხენელები ფრანგს ჯერ კიდევ "ლაციოსთან" მატჩის წინ დაუკავშირდნენ, თუმცა ეს ინფორმაცია არსად გაჟღერებულა. უცნობია დათანხმდება თუ არა ზიდანი "ბაიერნის" შეთავაზებას. 

შეგახსენებთ, რომ ზინედინ ზიდანი თითქმის სამი წელია უმუშევარია - მან მადრიდის "რეალი" 2020/2021 წლების სეზონის ბოლოს დატოვა.