მოურინიომ იოზილს დაუმიზნა. იდეალური წერტილი, იდეალური გუნდის შესაქმნელად? » GOAL.GE - ფეხბურთი | fexburti

Goal.Ge

მოურინიომ იოზილს დაუმიზნა. იდეალური წერტილი, იდეალური გუნდის შესაქმნელად?


მოურინიომ იოზილს დაუმიზნა. იდეალური წერტილი, იდეალური გუნდის შესაქმნელად?

უკვე რამდენიმე დღეა, რაც უცხოური გავლენიანი პრესა ლონდონის "არსენალის" გერმანელ ვარსკვლავს, მესუტ იოზილს "მანჩესტერ იუნაიტედთან" აკავშირებს.

მთელი რიგი გამოცემები წერენ, რომ მესუტ იოზილის ტრანსფერის მთავარი ინიციატორი პირადად ჟოზე მოურინიოა. პორტუგალიელი სპეციალისტი გერმანელის დამატებას ზაფხულის სატრანსფერო ფანჯარაზე შეეცდება.

იოზილი, თავის მხრივ, "არსენალში" არსებული სიტუაციით კმაყოფილი არ არის. მას მეტი ტიტულის მოგება და ევროტურნირებზე რეგულარული თამაში სურს. სწორედ ამ მიზეზის გამო, ის "არსენალთან" ახალი კონტრაქტის გაფორმებას არ აპირებს.

იოზილს "არსენალთან" კონტრაქტი 2018 წლის ზაფხულში ეწურება, ასე რომ, "მეთოფეები" ახალი ხელშეკრულების ვერ გაფორმების შემთხვევაში, გერმანელ ვარსკვლავს  ფინანსური მოგების მიღების მიზნით, ზამთრის სატრანსფერო ფანჯარაზე გაყიდიან.

მოურინიომ იოზილს დაუმიზნა. იდეალური წერტილი, იდეალური გუნდის შესაქმნელად?

დროებით იოზილის ლონდონური კარიერა განვიხილოთ. სანამ გერმანელი ვარსკვლავი "არსენალს" მიაშურებდა, ის მადრიდის "რეალის" ერთ-ერთი ლიდერი იყო და ძირითად შემადგენლობაშიც, რა თქმა უნდა, რეგულარულად თამაშობდა. თუმცა, "რეალში" ხამეს როდრიგესის, ტონი კროოსის და ბევრი სხვა ნახევარმცველის მისვლის შემდეგ, მისი "რეალში" ყოფნა საჭირო აღარ აღმოჩნდა და გერმანელ მოთამაშეს კლუბის გამოცვლა მოუწია. "არსენალის" გარდა, იოზილს შემოთავაზებები ჰქონდა როგორც სერია ა-დან, ისევე ბუნდესლიგიდან, თუმცა გერმანელმა მოთამაშემ საკუთარი არჩევანი მაინც პრემიერ ლიგაზე შეაჩერა.

"არსენალში" გადასვლისთანავე, იოზილი გუნდის უპირობო ლიდერად იქცა და საწყის ტურებში მართლაც ბრწყინვალედ ასპარეზობდა. იოზილის მთავარი პრობლემა ყოველთვის სტაბილურობა იყო. გერმანელი მოთამაშე მთელ რიგ თამაშებს უმაღლეს დონეზე ატარებდა, თუმცა ამის შემდეგ იყო მატჩები, როცა ის გუნდისთვის არც ისე მომგებიანი იყო.

მოურინიომ იოზილს დაუმიზნა. იდეალური წერტილი, იდეალური გუნდის შესაქმნელად?

რთულ მომენტებში, როცა სწორედ ლიდერს უნდა აეღო პასუხისმგებლობა და გუნდის წარმატებისთვის ეზრუნა, იოზილი ყოველთვის ჩრდილში იყო. ყოველწლიურად ასე ხდებოდა როგორც ჩემპიონთა ლიგაზე, ისევე პრემიერ ლიგაში. ლონდონელებს გასულ წლებში პრემიერ ლიგის მოგების შანსი ნამდვილად ჰქონდათ, თუმცა სტაბილურობა არ ჰყოფნიდათ. ძლიერ გუნდებთან ასპარეზობისას კი, გუნდის ლიდერი (ამ შემთხვევაში იოზილი) საკუთარ თავზე თამაშის აღებას და თამაშის ბედის გადაწყვეტას ვერ ახერხებდა.

ასე გრძელდება უკვე მე-4 წელია და იოზილიც ერთ ადგილზე დგას. მისი კარიერული პროგრესი სერიოზული საფრთხის წინაშეა და თუ ასე გაგრძელდა, შესაძლოა მას რეგრესიც დაეტყოს. მიმდინარე სეზონში მესუტ იოზილმა "არსენალის" მაისური 4 მატჩში მოირგო და თავის გამოჩენა ვერც გატანილი გოლით და ვერც საგოლე გადაცემით მოახერხა.

რაც შეეხება "მანჩესტერში" არსებულ სიტუაციას და იოზილის საჭიროებას, მოურინიოს გუნდში უკვე რამდენიმე სუპერვარსკვლავი ჰყავს. იგივე ზლატან იბრაჰიმოვიჩი, პოლ პოგბა და რომელუ ლუკაკუ არიან ის მოთამაშეები, რომლებსაც თამაშს ბედის გადაწყვეტა მარტოებს შეუძლიათ. ახლა მათ სჭირდებათ ისეთი პარტნიორი, რომელიც თავისი მოედნის ხედვით, პასის კულტურით და უზადო ტექნიკით, სანიმუშო ტანდემს ჩამოაყალიბებს. გუნდში ჯერჯერობით ამ ფუნქციას ხან ხუან მატა, ხნ კი - ჰენრიკ მხითარიანი ითავსებს ხოლმე, თუმცა ეს უკანასკნელი ბოლო რამდენიმე მატჩია ფლანგზეა გადაწეული და იქიდან ამწვავებს თამაშს. რაც შეეხება ხუან მატას, ის არასდროს იყო მოურინიოს ფავორიტი ფეხბურთელი და ეს მისი "ჩელსიში" მუშაობის დროსაც ნათლად გამოჩნდა.

ის, რაც ახლა "მანჩესტერ იუნაიტედის" შემტევ ხაზს აკლია, არის იდეალური გადაცემა, რომლის განხორციელებაც მესუტ იოზილზე კარგად მსოფლიოში არც ისე ბევრმა ფეხბურთელმა იცის. ის ფაქტი, რომ იოზილი პრესინგში კარგი არ არის, "მანჩესტერისთვის" პრობლემა არ იქნება, რადგან პოლ პოგბა და ნემანია მატიჩი ამ პრობლემას ყოველგვარი პრობლემის გარეშე აღმოფხვრიან. 

ამგვარად, მოურინიოს ჩანაფიქრი ნამდვილად საინტერესოა, მას შეუძლია რომ თავისი ე.წ ტრანსფერების სერია მესუტ იოზილის ყიდვით დაასრულოს და იდეალური გუნდის შენებას იდეალური წერტილი დაუსვას.

ნიკა ნოზაძე, სპეციალურად Goal.Ge-სთვის

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები