Marca: რეალის 4 სავარაუდო ტაქტიკური სქემა ატლეტიკოსთან მატჩისთვის » GOAL.GE - ფეხბურთი | fexburti

Goal.Ge

Marca: რეალის 4 სავარაუდო ტაქტიკური სქემა ატლეტიკოსთან მატჩისთვის


Marca: რეალის 4 სავარაუდო ტაქტიკური სქემა ატლეტიკოსთან მატჩისთვის

საფეხბურთო სეზონი პირენეებზე უკვე დაიწყო. გასულ კვირას "ბარსელონამ" და "სევილიამ" ესპანეთის სუპერთასის გამარჯვებულის ვინაობა გამოარკვიეს, დღეს ბრძოლაში ერთვებიან "რეალი" და "ატლეტიკო", რომლებიც უეფას სუპერთასის ტიტულისთვის იბრძოლებენ.

"სამეფო კლუბის" მთავარი მწვრთნელი ხულენ ლოპეტეგი ურთულესი ამოცანის წინაშე დგას - მან უნდა აარჩიოს თუ რომელი ვარსკვლავი ათამაშოს და რომელი უნდა დასვას სკამზე.

"Marca"-მ გადაწყვიტა დახმარება და ესპანელი სპეციალისტისთვის რამდენიმე ტაქტიკური სქემის შერჩევა.

კაზემიროს გარეშე

Marca: რეალის 4 სავარაუდო ტაქტიკური სქემა ატლეტიკოსთან მატჩისთვის

ნაკლებად სავარაუდო ვარიანტი, თუმცა საკმაოდ ეფექტური შეტევის მხრივ. ტოტალური კონტროლისა და მაღალი პრესინგისთვის მოდრიჩი-კროოსი-ისკოს სამეული იდეალურია. ზიდანის "რეალში" კაზემირო ხელშეუხებელი იყო, ვნახოთ რა იქნება ლოპეტეგისთან.

ასენსიოს გარეშე

Marca: რეალის 4 სავარაუდო ტაქტიკური სქემა ატლეტიკოსთან მატჩისთვის

აშკარაა, რომ რონალდუს წასვლის შემდეგ "ბლანკოსი" დიდ იმედებს ამყარებს მარკოზე, მაგრამ კონკრეტულად "ატლეტიკოსთან" მატჩისთვის ხულენმა შესაძლოა აქცენტი შუახაზზე გააკეთოს და 4 ნახევარმცველი გამოიყვანოს. ტაქტიკა 4-4-2, წინ კი ბეილი და ბენზემა.

ბენზემას გარეშე

Marca: რეალის 4 სავარაუდო ტაქტიკური სქემა ატლეტიკოსთან მატჩისთვის

დაახლოებით ანალოგიური რამ ოღონდ კარიმის ნაცვლად ასენსიო. მოცემული 4 სქემიდან ეს არის ყველაზე საეჭვო. სუპერთასის მატჩზე ცენტრ-ფორვარდის გარეშე, მითუმეტეს დიეგო სიმეონეს გუნდის წინააღმდეგ, პატარა თვითმკვლელობის სცენარსაც კი ჰგავს.

მოდრიჩის გარეშე

Marca: რეალის 4 სავარაუდო ტაქტიკური სქემა ატლეტიკოსთან მატჩისთვის

ხორვატი ყველაზე გვიან შემოუერთდა კლუბს, ის არ არის 100%-ით მზად და დიდი ალბათობით ფინალს სათადარიგოთა სკამზე დაიწყებს. ამის მიუხედავად ლუკას რასაკვირველია ნებისმიერ დროს შეეძლება მოედანზე შემოსვლა.

რაც არ უნდა იყოს ფაქტია, რომ ლოპეტეგი ჯერჯერობით არ ამხელს სასტარტო შემადგენლობას. დიდ ინტერესს იწვევს მეკარის პოზიციაც. კურტუა და ნავასი მზად არიან, მაგრამ რომელ ერთს აირჩევს ხულენი? შეგახსენებთ, რომ მატჩი გაიმართება თბილისის დროით 23:00 საათზე.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები