"ბოლო 6 წლის მანძილზე, არგენტინა მსოფლიოში საუკეთესო ნაკრებია" — დე პაული

არგენტინის ეროვნულმა ნაკრებმა საკუთარ მოედანზე ბრაზილიას უმასპინძლა და მეტოქე 4-1 დაამარცხა. მატჩს შემდეგ, როდრიგო დე პაულმა კომენტარი გააკეთა.

"უპატივცემულობა არცერთი მეტოქის წინააღმდეგ არ გამოგვიჩენია, თუმცა, საპირისპიროდ ბევრი დამცირება მივიღეთ. ჩვენ არავინ გვეხმარებოდა, ყველაფერს შრომით მივაღწიეთ და განვითარებას ვაგრძელებთ. ბოლო 6 წლის მანძილზე, არგენტინა მსოფლიოში საუკეთესო ნაკრებია" — როდრიგო დე პაული.

ბრაზილიის დამარცხების შემდეგ, არგენტინის ეროვნულ ნაკრებს 31 ქულა აქვს, პირველ ადგილზე იმყოფება და მეორეადგილოსან ეკვადორს 8 ქულით უსწრებს.