ავტორიზაცია
ოფიციალურად: რაიან გიგსი უელსის ნაკრებიდან წავიდა, რომელიც 1958 წლის შემდეგ პირველ მუნდიალზე ითამაშებს
„მანჩესტერ იუნაიტედის“ ლეგენდა და უელსის ნაკრების მთავარი მწვრთნელი, რაიან გიგსი, დაკავებულ თანამდებობას ტოვებს.
"ამ გუნდის გაწვრთნა უდიდესი პრივილეგია და პატივი იყო.", - აღნიშნა გიგსმა, რომელმაც ასეთი გადაწყვეტილება იმის გამო მიიღო, რომ უახლოეს პერიოდში გოგონაზე თავდასხმის გამო სასამართლო უწევს.
მწვრთნელს არ სურს, რომ მისი პირადი კონფლიქტები ფეხბურთელების ყურადღებას იპყრობდნენ და მათი ფიქრები მწვრთნელის მომავალს უკავშირდებოდეს, მითუმეტეს იმის ფონზე, რომ გუნდს რამდენიმე თვეში 1958 წლის შემდეგ პირველი მუნდიალის ჩატარება უწევს.
რაიან გიგსი ყველანაირ ბრალდებას უარყოფს და სასამართლოში თავისი სახელის დაცვას ბოლომდე აპირებს. მას ბრალი 2020 წელს წაუყენეს და ამ დროში უელსის ნაკრებს სათავეში დროებითი მწვრთნელი, რობ პეიჯი ედგა.
