ლევერკუზენის „ბაიერის“ შემტევი ნახევარმცველი, კაი ჰავერცი, კარიერას ლონდონის „ჩელსიში“ გააგრძელებს.

ავტორიტეტულმა გამოცემა Sky Sports-მა დაადასტურა, რომ კლუბები 80-მილიონიან ტრანსფერზე შეთანხმდნენ, კიდევ 20 მილიონი კი ბონუსების სახით იქნება გათვალისწინებული.

„ჩელსი“ „ფარმაცევტებთან“ ჰავერცის თაობაზე მოლაპარაკებებში რამდენიმე კვირის მანძილზე იმყოფებოდა, გასულ ოთხშაბათს კი გუნდებმა ლონდონური გუნდის ისტორიაში ყველაზე ძვირადღირებული ტრანსფერი შეათანხმეს.

უახლოეს პერიოდში, ფეხბურთელი ლონდონში სამედიცინო შემოწმების გასავლელად და კონტრაქტის გასაფორმებლად უნდა ჩაფრინდეს.