"ეს კრიმინალია ფანების წინააღმდეგ", - გაცოფებული გარი ნევილი სუპერლიგაზე

თარიღი: 19 Apr 2021, 03:26

"მანჩესტერ იუნაიტედის" ყოფილმა ფეხბურთელმა და ამჟამად Sky Sports-ის წამყვანმა, გარი ნევილმა ევროპის სუპერლიგის დაარსება გააკრიტიკა.

ინგლისელი ფიქრობს, რომ მსგავსი ფორმატი კონკურენციას მოკლავს.

"ვფიქრობ, რომ ეს პირდაპირ კრიმინალური აქტია საკუთარი ფანების წინააღმდეგ, საკუთარი ქვეყნის წინააღმდეგ.

40 წელია უკვე "მანჩესტერის" ქომაგი ვარ და ეს საქციელი ამ გუნდის მხრიდან საშინელებაა.

რა თქმა უნდა, მსგავსი რამ გასაკვირია ისეთი გუნდებისგან, როგორიც "მანჩესტერი" და "ლივერპული" არიან.

ეს ტურნირი სრული სიგიჟე იქნება და მივმართავ საერთაშორისო ორგანიზაციებს, რომ იმოქმედონ და შეაჩერონ კლუბები", - განაცხადა გარი ნევილმა.

ყველა სიახლე