პირველი მატჩი მესის გარეშე - ბარსელონამ იუვენტუსი 3:0 დაამარცხა [VIDEO]

თარიღი: 09 Aug 2021, 01:22

ხოან გამპერის თასზე "ბარსელონა" "იუვენტუსს" შეხვდა და მეტოქე 3:0 დაამარცხა.

მე-3 წუთზე ანგარიში გუნდის ახალწვეულმა მემფის დეპაიმ გახსნა, რასაც 57-ე წუთზე მარტინ ბრეითუეიტის გოლი მოჰყვა.

92-ე წუთზე საბოლოო წერტილი რიკარდ პუჩმა დასვა.

ბარსელონა: ნეტო, დესტი, პიკე, არაუხო, ალბა, ბუსკეტსი, სერხი რობერტო, დემირი, დეპაი, გრიზმანი, ბრეითუეიტი

ცვლილება: უმტიტი, ემერსონი, ნიკო გონსალესი, რიკარდ პუჩი, ბალდე, მანაი, ალექს კოლადო

იუვენტუსი: შესნი, დე ლიხტი, რუგანი, ალექს სანდრო, დე შილიო, ბენტანკური, რემსი, კუადრადო, ბერნარდესკი, რონალდუ, მორატა

ცვლილება: კულუსევსკი, პელეგრინი, კიეზა, დანილო, მაკკინი, პერინი, ბონუჩი, რანოკია, მარკესი, კიელინი, დე ვინტერი,

ლიონელ მესის წასვლის შემდეგ, ეს "ბარსელონას" პირველი შეხვედრა იყო.

შეგახსენებთ, რომ ხოან გამპერი შვეიცარელი ბიზნესმენი იყო, რომელმაც 1899 წელს ესპანეთში საფეხბურთო კლუბი "ბარსელონა" დაარსა.

1920-იანი წლების ბოლოს "ბარსელონა" მადრიდიდან რეპრესიებს განიცდიდა, რის გამოც კლუბსა და თავად ბიზნესმენს არა ერთი შეზღუდვა შეექმნა. 1930 წელს, 52 წლის ასაკში ხოან გამპერმა კატალონიაში თავი მოიკლა.

მის საპატივსაცემად, მისი სახელობის თასს "ბარსელონა", სეზონის წინ ატარებს.