"მომავალ წელს ფენერბაჰჩემ უნდა იყიდოს!" - რას წერენ თურქი ფანები ლობჟანიძეზე?

აღნიშნული გოლის გამო მატჩის დასრულების შემდეგ ფეხბურთელს მაროკოელ თანაგუნდელ ელ კააბისთან ბოდიშის მოხდა საჯაროდ მოუწია. 26 წლის ნახევარმცველმა დაწერა, რომ აღნიშნულ მომენტს განიცდის.

მიმდინარე სეზონში საბა ლობჟანიძეს 4 გოლი აქვს, საიდანაც ორი თურქულ დიდ გუნდებს: გალათასარაის და ბეშიქთაშს გაუტანა, ხოლო ერთ-ერთი მესამეადგილოსან ალანიასპორს. დღევანდელი შეხვედრის შემდეგ საქართველოს ნაკრების ნახევარმცველის შესახებ სოციალურ ქსელში ძალიან ბევრი კომენტარი იყო.

nuri_sahiner800: "მომავალ წელს ფენერბაჰჩემ უნდა იყიდოს! საინტერესო იქნება, როგორ ითამაშებს ლობჟანიძე ამ გუნდში"

mustafarukozturk: "საბა ლობჟანიძე - კაცი, რომლის ნახვაც ტრაბზონსპორში ყველაზე მეტად მინდა"

ismail.06ermis: "ის ყველაზე დაუფასებელი მოთამაშეა თურქეთის სუპერლიგაში"

yanardonerselami: "ეს არაა მისი გატანილი გოლი. ის, რაც საბამ ქნა, ჩემი აზრით, სირცხვილია"

mrtcnaktas1: "მგონია, ბაკასეტასის შემდეგ სუპერლიგაში ყველაზე შედეგიანი მოთამაშეა"

xerk.01: "ის ჩვენთან, ანკარაგუჯუში თამაშობდა და მსიამოვნებდა მისი ყურება, დიდი კლასის მქონე მოთამაშეა"

საბა ლობჟანიძე ჰატაისპორს თავისუფალი აგენტის სტატუსით 2021 წლის ივნისში შეუერთდა. მას შემდეგ 10-ჯერ ითამაშა ანტაკიელთა მაისურით, 4 გოლი გაიტანა და 5 საგოლე გადაცემა გააკეთა. ამ შედეგით გუნდში საქართველოს ნაკრების ნახევარმცველი შექმნილი გოლების რაოდენობით პირველ ადგილზეა.

11 ტურის შემდეგ ჰატაისპორს 23 ქულა აქვს და სუპერლიგის ცხრილში მე-2 პოზიციაზეა, პირველადგილოსან ტრაბზონსპორს მხოლოდ 4 ქულით ჩამორჩებიან.