ჟოზე მოურინიო მზად არის პორტუგალიის ნაკრები ჩაიბაროს

თარიღი: 18 დეკ 2022, 03:24

იტალიური "რომას" მთავარი მწვრთნელი ჟოზე მოურინიო პორტუგალიის ნაკრებში დანიშვნის ვარიანტს სერიოზულად განიხილავს.

59 წლის სპეციალისტი ფერნანდო სანტუშის გადადგომის შემდეგ მთავარი მწვრთნელის პოსტზე ერთ-ერთ მთავარ პრეტენდენტად ითვლება.

მოურინიოს ერთ-ერთი შესაძლო სცენარი რომაში და ეროვნულ გუნდში ერთად მუშაობაა, თუმცა, რომაული კლუბის ხელმძღვანელობა ამ ვარიანტს არ ეთანხმება.

The Telegraph-ის ცნობით, მოურინიო მზადაა იტალიურ კლუბში მუშაობაზე უარი თქვას და თავისი ქვეყნის ნაკრებში იმუშაოს.

შეგახსენებთ, რომ ჟოზე მოურინიოს "რომასთან" კონტრაქტი 2024 წლის ზაფხულამდე აკავშირებს.