ალ-ნასრის მწვრთნელი: "იმედი მაქვს რონალდუ ისევ ღიმილით ითამაშებს"

"ალ-ნასრის" მთავარი მწვრთნელი რუდი გარსია თვლის, რომ კრიშტიანუ რონალდუ ახალ გუნდში ისევ ფეხბურთით ტკბობას დაიწყებს.

37 წლის თავდამსხმელი მანჩესტერ "იუნაიტედს" სკანდალით დაშორდა. დეკემბრის ბოლოს ცნობილი გახდა პორტუგალიელის საუდის არაბეთის "ალ-ნასრში" გადასვლის შესახებ.

„რაც მთავარია, რონალდუმ ფეხბურთის თამაშით სიამოვნება უნდა მიიღოს. იმედი მაქვს, რომ ალ-ნასრში ის კვლავ იპოვის სიხარულს და ითამაშებს ღიმილით, რადგან ბოლო თვეები, როგორც ვიცით, არ იყო მისთვის საუკეთესო. ",- თქვა რუდი გარსიამ.