გარი ნევილმა პრემიერ ლიგის გამარჯვებულზე პროგნოზი გააკეთა

ინგლისის ნაკრების და მანჩესტერ "იუნაიტედის" ყოფილმა ფეხბურთელმა გარი ნევილმა პრემიერ ლიგის ჩემპიონობისთვის რბოლაზე ისაუბრა.

"მანჩესტერ სიტი მოიგებს პრემიერ ლიგას. მანჩესტერ იუნაიტედი მეორე იქნება. “, - ციტირებს ექსპერტის სიტყვები Sky Sports.

გასულ შაბათ-კვირას მანჩესტერული დერბი შედგა - მანჩესტერ "იუნაიტედმა" ოლდ ტრაფორდზე მანჩესტერ "სიტის" უმასპინძლა და 2:1 დაამარცხა.

20 ტურის შემდეგ ჩემპიონატს  ლონდონის "არსენალი" 47 ქულით ლიდერობს, "ქალაქელები" მეორე ადგილზე არიან (39), მესამე ადგილზე კი "წითელი ეშმაკები" 38 ქულით არიან.